தமிழகத்தில் பெய்துவரும் கனமழைகாரணமாக பள்ளிகளுக்கு விடுமுறை அறிவிப்பு!

தமிழ்கத்தில் பெய்துவரும் கனமழை காரணமாக பள்ளிகளுக்கு விடுமுறை அறிவிக்கப்பட்டுள்ளது. தமிழகத்தின்  ராமநாதபுரம், விருதுநகர், தேனி  போன்ற மாவட்ட பள்ளிகளுக்கும், தூத்துக்குடி, திருநெல்வேலி, வேலூர் மாவட்ட பள்ளி, கல்லூரிகளுக்கும் இன்று விடுமுறை அறிவிக்கப்பட்டுள்ளது.

ராமநாதபுரம் மாவட்ட பள்ளிகளுக்கு இன்று ஒரு நாள் விடுமுறை அறிவித்து மாவட்ட கலெக்டர் வீரராகவ ராவ்  அறிவித்தார்.

கனமழை காரணமாக விருதுநகர் மாவட்ட பள்ளிகளுக்கு மட்டும் விடுமுறை அளிக்கப்பட்டுள்ளது. 

தூத்துக்குடி மற்றும் திருநெல்வேலி மாவட்டங்களில் பெய்துவரும் கனமழை காரணமாக மாவட்ட பள்ளி, கல்லூரிகளுக்கு இன்று விடுமுறை அறிவிக்கப்பட்டுள்ளது. 

வேலூர் மாவட்ட பள்ளி, கல்லூரிகளுக்கும் விடுமுறை அறிவிக்கப்பட்டுள்ளது.

தேனியில் கொட்டிவரும் கனமழையை அடுத்து, மாவட்டத்திலுள்ள பள்ளிகளுக்கு மட்டும் இன்று விடுமுறை அறிவித்து மாவட்ட கலெக்டர் பல்லவி பல்தேவ் உத்தரவிட்டுள்ளார்.

கொடைக்கானல் மலைப்பகுதியில் உள்ள பள்ளி, கல்லூரிகளுக்கு கனமழை காரணமாக இன்று விடுமுறை அறிவிக்கப்பட்டுள்ளது. கனமழை காரணமாக திண்டுக்கல் மாவட்டத்தில் பள்ளிகளுக்கு மட்டும் விடுமுறை அறிவிக்கப்பட்டுள்ளது.

திண்டுக்கல் ஆத்தூர் தாலுகாவை சேர்ந்த ஆடலூர், பன்றிமலை பள்ளிகளுக்கு மட்டும் மழை காரணமாக இன்று விடுமுறை அளிக்கப்பட்டுள்ளது.

சிவகங்கை மாவட்டத்தின் பள்ளி, கல்லூரிகளுக்கு விடுமுறை அறிவிக்கப்பட்டுள்ளது. 

மதுரை மாவட்டத்தில் பள்ளிகளுக்கு மட்டும் விடுமுறை விடப்பட்டுள்ளது.

சென்னையில்  மழை கொட்டிய போதும், இன்று பள்ளிகள் வழக்கம் போல் இயங்கி வருகின்றன. 

பெய்துவரும் கனமழையால்  வேலைகள் தாமதமாகின்றன. ரோடுகளில் வாகனங்கள் தடுமாறுகின்றன. பள்ளமான இடங்களில் நீர் தேக்கம்  காணப்படுகின்றன. 

மேலும் படிக்க:

தமிழகத்தில் மேலும் மழை நீடிக்கும்!